សៀវភៅមេរៀនព្រះអភិធម្ម “ចេតសិក និង ចិត្ត” តាម Online បានរៀបចំបោះពុម្ពរួចរាល់ហើយ

រាយការណ៍ពី ខ្ញុំករុណា អាត្មាភាព ភិក្ខុ បុណ្ណវិជ្ជោ អេង សុវណ្ណ “ប្រធានទំនាក់ទំនង និងការផ្សព្វផ្សាយ សធក”

កាលកន្លងទៅថ្មីនេះ តាមរយៈ Page វត្តមណីរតនារាម និងវត្តសមណគោត្តម បានផ្សាយដណឹងថា ៖ ដំណឹងធម្មទាន សៀវភៅមេរៀនព្រះអភិធម្ម ចេតសិកនិងចិត្ត បានពិនិត្យរួចជាស្រេច នឹងចូលរោងពុម្ពនាពេលឆាប់ៗ។ មេរៀនទាំងអស់មានចំនួន ៦៨៨ ផ្ទាំង (slides) ត្រូវដាក់បញ្ចូល ២ ផ្ទាំងក្នុងមួយទំព័រ ដូច្នេះសៀវភៅនេះសរុបមានតែ ២៩៤ ទំព័រ ប៉ុណ្ណោះ។ តំលៃពីរោងពុម្ព មានភាពខុសគ្នាដូចខាងក្រោមនេះ ៖
១- បើបោះពុម្ភ ១០០០ ក្បាល ក្នុងមួយក្បាលតំលៃ $5.99 (ប្រាំដុល្លារ កៅសិបប្រាំបួនសេន) ដែលត្រូវចំណាយទឹកប្រាក់អស់ $5,990.00 (ប្រាំពាន់ ប្រាំបួនរយ កៅសិបដុល្លារ)
២- បើបោះពុម្ភ២០០០ ក្បាល ក្នុងមួយក្បាលតំលៃ $4.35 (បួនដុល្លារ សាមសិបប្រាំសេន) ដែលត្រូវចំណាយទឹកប្រាក់អស់ $8,700.00 (ប្រាំបីពាន់ ប្រាំពីររយដុល្លារ)។
ក្រុមធម្មទាននឹងសម្រេចចំនួនបោះពុម្ពទៅតាមចំនួនប្រាក់ដែលទទួលបាន។ ផ្តើមទទួលប្រាក់ឧបត្ថម្ភបោះពុម្ពរយៈពេលមួយសប្តាហ៍ ចាប់ពីថ្ងៃផ្សាយដំណឹងនេះតទៅ។ សូមជម្រាបសប្បុរសជនផងដែរថា នឹងមិនសរសេរឈ្មោះអ្នកចូលប្រាក់បោះពុម្ពនៅលើសៀវភៅនេះទេ ជៀសវាងការកើនទំព័រកាន់តែច្រើន។
សម្រាប់អ្នកដែលមានបំណងចូលប្រាក់ក្នុងការបោះពុម្ពសៀវភៅ សូមផ្ញើតាមលេខធនាគារខាងក្រោម ហើយពេលផ្ញើត្រូវសរសេរថា “Book”
សូមផ្ញើតាមធានាគារ
ABA 002369850 បា្រក់រៀល
ABA 002369825 ប្រាក់ដុល្លារ
SWIFT code. ABAAKHPP
Account Name. Chin Chiveng
លេខទំនាក់ទំនង៖ Tel 092 560 172 ,092 93 28 02

ដោយ មួយរយៈនេះ ពុទ្ធបរិស័ទ ទាំងក្នុងនិងក្រៅប្រទេស បានចូលរួម ជាធម្មទាន ជាមួយ កិច្ចការងារ បោះពុម្ពសៀវភៅ មេរៀនព្រះអភិធម្ម ចេតសិកនិងចិត្ត រហូតមកដល់ថ្ងៃនេះ Page វត្តសមណគោរត្តម បានបន្ដផ្សាយ អំពីការទទួលថវិកាសម្រាប់ធម្មទាននេះ ថា ៖ ចាប់ពីថ្ងៃផ្សាយដំណឹងរហូតមកដល់ថ្ងៃនេះ ទឹកប្រាក់សម្រាប់បោះពុម្ពសៀវភៅមេរៀនព្រះអភិធម្ម “ចេតសិក និង ចិត្ត” ដែលគណៈកម្មការវត្តសមណគោតមារាម នៅប្រទេសអូស្ត្រាលី ទទួលបានអំពីសប្បុរសជន សរុបមានចំនួន AUS $13,054.38 (មួយម៉ឺន បីពាន់ ហាសិបបួនដុល្លារអូស្ត្រាលី និង សាមសិបប្រាំបីសេន)។ សូមជម្រាបដល់សាធារណជនថា គណៈកម្មការយើងបញ្ឈប់ការទទួលប្រាក់ឧបត្ថម្ភក្នុងការបោះពុម្ពសៀវភៅនេះ ចាប់ពីថ្ងៃផ្សាយដំណឹងនេះតទៅ។ ម្យ៉ាងទៀត បើមានការសរសេរឈ្មោះអ្នកឧបត្ថម្ភមិនត្រូវ ឬខុសតួលេខដោយប្រការណាមួយ ម្ចាស់ទានអាចទាក់ទងសួរព័ត៌មានបញ្ចាក់បន្ថែមតាមរយៈទូរស័ព្ទលេខ 0483 892 005។
សូមអរគុណ និងសូមអនុមោទនា!!!
សម្រាប់ Page មណីរតនារាម វិញបាន សរសេរផ្សាយថា ៖ ចាប់ពីថ្ងៃផ្សាយដំណឹងរហូតមកដល់ថ្ងៃនេះ ទឹកប្រាក់សម្រាប់បោះពុម្ពសៀវភៅមេរៀនព្រះអភិធម្ម “ចេតសិក និង ចិត្ត” ដែលគណៈកម្មការវត្តមណីរតនារាម ទទួលបានអំពីសប្បុរសជនទាំងក្នុង និងក្រៅប្រទេស សរុបមានចំនួន ១០,៩៨៣,៧១០៛ (ដប់លាន ប្រាំបួនសែន ប្រាំបីម៉ឺន បីពាន់ ប្រាំពីររយ ដប់រៀល) និង 21,528.14$ (ពីរម៉ឺន មួយពាន់ ប្រាំរយ ម្ភៃប្រាំបីដុល្លា ចុចដប់បួនសេន)។ សូមជម្រាបដល់សាធារណជនថា គណៈកម្មការយើងបញ្ឈប់ការទទួលប្រាក់ឧបត្ថម្ភក្នុងការបោះពុម្ពសៀវភៅនេះ ចាប់ពីថ្ងៃផ្សាយដំណឹងនេះតទៅ។
ម្យ៉ាងទៀត បើមានការសរសេរឈ្មោះអ្នកឧបត្ថម្ភមិនត្រូវ ឬខុសតួលេខដោយប្រការណាមួយ ម្ចាស់ទានអាចទាក់ទងសួរព័ត៌មានបញ្ចាក់បន្ថែមតាមរយៈទូរស័ព្ទលេខ 092 93 28 02។
សូមអរគុណ និងសូមអនុមោទនា!!!

នៅសម័យកាលទំនើបនេះ មនុស្សក៏ទំនើបដែរ ដូចនេះ ការសិក្សា ក៏មានការផ្លាស់បច្ចេកទេស តាមរយៈ Online ដើម្បីដឹងថា សៀវភៅនេះ មានវីដេអូនៅទីណា សូមអាន និងចុចដូចតទៅ៖ ១-បើPC (កុំព្យូទ័រ សូមចូលទៅ Google Chrome ឬ Firefox ហើយ ចុច Google + YouTube + San Sochea Officail + Playlist + Albume (មេរៀនអភិធម្ម វីដេអូ)

ពុទ្ធបរិស៍ទ អាចទំនាក់ទំនង ដើម្បីបានសៀវភៅសិក្សា ព័ត៌មានខាងលើ ពីព្រោះ ក្រុមការពារ និងរៀបចំជូន សូមបញ្ជាក់ថា ការសិក្សា មេរៀនព្រះអភិធម្មនេះ សម្រាប់មនុស្សគ្រប់វ័យ។ អភិធម្មមាន ៤ គឺ ៤ប្រការគឺ ចិត្ត១ ចេតសិក១រូប១ និព្វាន១ ក្នុងសៀវភៅនេះ និងមានវីដេអូ នឹងរៀបរាប់ អំបី ចិត្ត និងចេតសិក ។